Вести
Детали за акциите на полицијата – запленети над 140 кг марихуана во Маврово и на Деве Баир
МВР ги објави деталите за активностите спроведени вчера насочени кон борбата против недозволена трговија со дрога. Како што веќе објавивме една од акциите се одвивала во гостиварско, поточно во Маврови Анови, близу браната.
-Вчера во Маврови Анови, во близина на браната, на патниот правец Дебар – Гостивар, по преземените оперативни мерки и спроведената акција, од слобода се лишени четири лица Е.Д. (31), Б.Р. (41), М.Р. (32) и И.Ј. (32) од село Студеничани, скопско, кои што со две патнички моторни возила марка „Ауди“ и „БМВ“ ја преземале марихуаната од Дебар и требало да ја транспортираат до Солун, за сума од 9.000 евра. Веднаш потоа, преземени се дополнителни активности на подрачјето на Дебар, при што од слобода е лишен Р.Д. (49) од с.Блата, Република Албанија, кој на илегален премин ја внел дрогата во државата. Од слобода се лишени уште две лица од Дебар, Ѓ.Ј. (27) и Ѓ.Ј. (26), кои ја преземале дрогата од државјанинот на Република Албанија и ја предале на лицата од Студеничани- рече директорот на Бирото за јавна безбедност, Лазо Велковски на денешната прес конференција во Министерството за внатрешни работи.
Во овој случај, запленети се 55 килограми марихуана, со вредност на нарко пазарот од околу 150.000 евра.
Во вториот случај вчера околу 18,00 часот на Граничниот премин “Деве Баир“ од слобода е лишен М.М. (47), државјанин на Република Албанија.
-Полициски службеници од Одделот за сузбивање на организиран и сериозен криминал при МВР во соработка со Царинската управа, сопреле за преглед товарно моторно возило со приколка со албански национални и регистарски ознаки, управувано од приведениот. При прегледот, дрогата во вкупна количина од 88 килограми, спакувана во најлонски фолии била откриена во внатрешноста на приколката- соопшти Велковски.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот