Автомобил на гостиварската болница се судрил со возило на Македонија Пат

Двајца гостиварци биле повредени во сообраќајна несреќа која се случила вчера ( 27 февруари ) околу 18 часот и 40 минути, на автопатот Скопје-Тетово, во близина на Добарскиот надвозник, соопшти СВР Тетово.

Во несреќата учествувале товарно возило „Мерцедес“ со скопски регистерски таблици, сопственост на „Македонија пат“, управувано од 55-годишниот велешанец З.И. и патничко возило „Цитроен“ со гостивaрски таблици, сопственост на гостиварската Општа болница, што го управувал 55-годишниот гостиварец Д.Г.

Возачот и сопатникот од „Цитроенот“ И.Б. 36-годишен, исто така, од Гостивар, се здобиле со телесни повреди, биле пренесени во тетовската клиничка болница и по укажаната помош, пуштени на домашно лекување.

Според првичните сознанија од увидот на полицијата, причина за оваа несреќа е неправилно вршење дејствие, додека вкупната материјална штета се проценува на 100 илјади денари.