Дете е тешко повредено во судар на автомобил и велосипед во гостиварско

Единаесетгодишно дете се здобило со тешки телесни повреди во несреќа, којашто се случила вчера во 15.20 часот на крстосница од регионалниот пат Гостивар-село Градец и локалниот пат за Пожаране.

Според информациите од МВР, во сообраќајката учествувале патничко возило „пежо 206“ со гостиварски регистарски ознаки, управувано од 51 годишниот Ф.Р. од Врапчиште и велосипед управуван од 11-годишен малолетник од Топлица. Велосипедистот со тешки телесни повреди бил пренесен во Општата болница во Гостивар за укажување на лекарска помош.

Увид на местото на настанот извршила екипа од Полициската станица Гостивар.