Директорите на средните училишта во Гостивар на состанок со полицијата

Училишните управи и полицијата заеднички да делуваат за поголема безбедност на учениците, не само додека се на настава, туку и по завршувањето на часовите – ова е заклучокот од состанокот меѓу директорите на средните училишта во Гостивар, полицискиот Отсек за превенција и одговорните за образование во општина Гостивар.

На средбата се зборуваше за досега преземените мерки, превентивните проекти и за други прашања од безбедносна природа и карактер врзани со училиштата.

Претставниците на Отсекот за превенција, поблиску ги запознаа присутните со планираните идни превентивни активности, со кои беа и ќе бидат опфатени средните училишта во Гостивар, чија цел е навреме да се препознаат и отстранат можните причини за нарушувања на јавниот ред и мир.

„Директорите на училиштата ја поздравија оваа иницијатива и зголеменото полициско присуство во периодот пред и по завршувањето на наставата и посебно во меѓусмените и побараа истото да продолжи во текот на целата учебна година.“, рекоа од полицијата.