До 1,2 милиони денари субвенции за купување опрема за обуки

Министерството за економија деновиве објави јавен повик за кофинансирање на претпријатија за купување на опрема, инструменти, алат кои ќе се користат за обука, настава и за стекнување занимања. Огласот е во рамки на Програмата за конкурентност, иновации и претприемништво за 2018 година. Во него се предвидува финансиска поддршка за претпријатијата до 50% од докажаните трошоци, но сумата да не надминува 1.200.000 денари поединечно.

Право на учество на повикот имаат претпријатија кои имаат Решение за верификација од Министерството за образование и наука за реализирање на посебни програми за образование на возрасни.

Рок за аплицирање трае до 31 мај, а средствата на претпријатијата ќе им бидат доделени во септември.

Целиот оглас го има на веб страната на Министерството за економија.