Македонија остана без актерската легенда, Салаетин Билал

На 76 годишна возраст почина нашиот познат актер од турска националност Салаетин Билал. Публиката ќе го памети по бројните улоги, маестрално одиграни во филмови и на театарската сцена.

Билал студирал на Театарскиот конзерваториум во Истанбул Турција. Во 1964 година станал член на ансамблот на Турската драма при Театарот на народностите во Скопје. Глумел во петнаесетина филмови, меѓу кои „Најдолгиот пат“ (1976), „Џипси меџик“ (1997), „Зад непријателските линии“,  „Прашина“ (2001), „Сенки“ (2007), „Мајки“ „Трето полувреме“ (2012), „Балканот не е мртов“ (2013), „До балчак“ (2014). Има остварено и впечатливи улоги во култни телевизиски серии и драми „Волшебното самарче“ , „Итар Пејо“, „Белото Циганче“, „Солунски патрдии“ „Македонски народни приказни“ и многу други. Добитник е на бројни признанија и награди на полето на актерството.