ДУИ за смената на директорите во училиштата: Таравари свесно ја прави истата грешка

Гостиварскиот огранок на ДУИ излезе со реакција во врска со смените на директорските позиции во училиштата на подрачјето на општина Гостивар. Од партијата оценуваат дека градоначалникот Таравари ја повторува истата грешка, со именување на нови директори на незаконски начин.

„На Таравари претходно му беа одземени надлежностите во образованието, токму заради прекршувања во постапките за поставување на директори во училиштата. Сега свесно го прави истото и сака да се прикаже како политичка жртва, доколку пак му бидат одземени. Јавно го прашуваме по кои критериуми се поставени новите директори во основните и средните училишта во Гостивар? Тоа се неговите партиски војници кои се именувани без консултации со училишните Управни одбори“, стои во реакцијата од ДУИ.