Две училишта од Гостивар вклучени во Програмата за образование за мир

Претставници од гостиварското средно економско училиште, гимназијата и општинскиот Сектор за образование, беа дел од работилница на тема „Лидерство“ во Скопје, која се организираше во рамки на Програмата за образование за мир. Двете средни училишта од Гостивар учествуваа на работилницата како школи во кои се спроведува Програмата со најразлични активности.

Целта на мировното образование е да се промовираат мирот и ненасилството како основни вредности во воспитно-образовниот систем. Учениците и професорите вклучени во активностите, традиционално заеднички го одбележуваат Светскиот ден на мирот, 21 септември, со пораки за толеранција, разбирање, ненасилство и слично.

Програмата Образование за мир ја реализира Првата детска амбасада Меѓаши.