Единствено доживување! Би престојувале ли во куќа опкружена со лавови?

Во Харисмит, Јужноафриканската Република постои Куќа на лавовите, која може да се изнајми за неверојатно и единствено доживување, викенд или одмор додека околу вашето престојувалиште кружат над 70 лавови. Да, добро читате, околу куќата кружат лавови.

Директорка и менаџерка на објектот е Сузан Скот, која тврди дека престојувањето во куќата е сосема безбедно, бидејќи просторот е ограден со заштитна електрична ограда. Така, гостите можат да си прават скара во дворот или да пијат кафе на терасата, додека во позадина се слуша рикање на лавови кои се шетаат наоколу.

Едно ноќевање во Куќата на лавовите чини околу 100 долари, а објектот има три спални соби во кои може да се сместат вкупно 6 гости.

Парите од букирање на куќата се наменуваат во фонд за грижа за лавовите.