Една жртва и двајца повредени во несреќа на патот Гостивар-Кичево

Едно лице го загуби животот, а две завршија со повреди во несреќа што се случила ноќеска околу полноќ на магистралниот пат Гостивар – Кичево, во близина на Новоселски мост. МВР соопшти дека патничко возило „бмв“, со швајцарски национални ознаки, управувано од М.С. (54) од Кичево, излетало од коловозот. Во несреќата, М.С. починал на самото место, смрт констатирал лекар од Итна медицинска помош, а сопатничката Н.С. (52) и сопатникот Ќ.А. (52), исто така, од Кичево се здобиле со повреди констатирани во гостиварската Општа болница “Ферид Мурад”. На местото на незгодата увид извршиле Јавен обвинител и екипа од ОВР Гостивар. По наредба на ЈО телото на М.С. е предадено за обдукција.