Гостивар
Енеса Несими, нутриционист од Гостивар за дебелината и пандемијата и како здраво да ослабнеме
Прекумерната тежина е проблем со кој се соочуваат голем број лица, а ковид пандемија со ограничување на движењето, карантините, стресот, дополнително ја отежна ситуацијата. Со оглед дека луѓето поминуваа повеќе време во домовите, кујната им стана омилено свратилиште, а навиките на исхрана кај многумина се сменија кон полошо: прејадување, често консумирање чипсови и други нездрави грицки, пиење газирани сокови и слично.
Дебелеењето носи големи ризици за здравјето и телесната тежина треба да се регулира со правилна исхрана и физичка активност, вели Енеса Несими, нутриционист од Гостивар.
„Вистината е дека пандемијата го направи своето, беше стресен период кога луѓето беа затворени дома и јадеа повеќе. За да се вратиме во нормала и не е толку тешко, едноставно треба да се следи и почитува програма за здрава храна. Тоа значи да се јаде повеќе свежо овошје и зеленчук, одредени видови на месо подготвени на соодветен начин, да се пие доволно вода, а да се избегнуваат бел леб и бели пецива, пијалоци со шеќер, пржена храна, колачи, помфрит, тестенини и се‘ што има шеќер како додаток. Секако, неопходно е да се практикува физичка активност, пешачење, вежбање“, вели Несими.
Нагло и брзо слабеење никако не се препорачува, затоа што значи стрес за организмот и може да предизвика здравствени проблеми. Интернетот е преплавен со информации за диети, од кои многу се ригорозни и значат гладување.
„Ако сака да слабее човек не значи дека треба да се изгладнува, тоа може да донесе многу болести за организмот и да биде крајно штетно. При диета треба секојдневно да се внесуваат тие хранливи материи што му се потребни на телото за да функционира нормално, со правилен избор и комбинација на храна која е индивидуална за секој организам. Не може една диета, режим на исхрана да делува исто кај сите, затоа се прават посебни програми кои се базираат на анализи“, нагласува нутриционистот.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ
-
Што, како, каде?!пред 3 месеци
Гаражна распродажба во РАМСТОР: Огромни попусти до 70% на шопинг до 11ти Февруари!
-
Македонијапред 3 месеци
Најнова одлука: Од утре промената на возачките, сообраќајните и патните листови ќе бидат без надоместок