Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 22/10/2018

Фатени дрвокрадци на пат во гостиварски Балиндол

Две лица од гостиварското село Лакавица биле лишени од слобода, откако полицијата во возило открила огревно дрво без жиг и документи. Како што информира СВР,  полициски службеници  вчера (21 октомври) околу 6 часот и 50 минути, на локалниот пат во гостиварското село Балиндол забележале патничко возило „Фиат скудо“ без регистерски таблици, управувано од 25-годишен жител на Лакавица, кое било натоварено со околу 2 метри кубни огревно дрво кое немало жиг и документи. На даден знак да застане, возилото најпрво не застанало, а потоа застанало и возачот почнал да бега. Тој набрзо бил фатен и лишен од слобода.

Запрено било и возило „Голф“ со  гостиварски таблици, што го управувал 52-годишник од Лакавица, поради сомнение и за негова инволвираност во превезувањето на дрвата, по што и тој бил  лишен од слобода.

Полицијата соопшти дека работи на целосно расчистување на случајот по што ќе следат соодветни поднесоци.

Оставете коментар

Вашата Емаил адреса нема да биде објавена.Задолжителните полиња се означени *

*