ФК Генч Калемлер реагира на тенденциозно судење на натпреварот со Влазерими 77

Фудбалскиот клуб Генч Калемлер, после вчерашниот натпревар од Втората МФЛ-Запад, против екипата на Влазерими 77, во Кичево (1:1), излезе со соопштение во кое остро реагира за судењето на натпреварот од страна на првиот судија.

Соопштението ви го пренесуваме во целост:

„Соопштение до фудбалската јавност од Ф.К Генч Калемлер
По повод денешниот натпревар од Второлигашката конкуренција запад одигран во Кичево помеѓу екипите на Влазрими и екипата на Генч калемлер мораме да ја запознаеме јавноста со катастрофалното и тенденциозно судење на добро познатиот за сите нас фудбалски судија Зоранчо Темелков, се прашуваме и самите ние кој се индициите за да до толку не оштети како клуб. Од домашната екипа бевме одлично пречекани и тој самиот немаше никаков притисок за такво тенденциозно судење за да досуди непостоечки пенал за екипата на Влазрими, се прашуваме да не е некој против нас Бидејќи сме единствената екипа кој што ја претставува турската заедница во државава и макотрпно се залага со разни вложувања не само во фудбалот туку и во други дејности за да го крене спортот на едно повисоко ниво. Уште еднаш прашуваме кому му треба ваков фудбал!!! Во прилог ке ви ја доставиме и комплетната видео снимка од натпреварот.“
Ф.К ГЕНЧ КАЛЕМЛЕР