ФК Гостивар и Воска Спорт одиграа без победник, несакан инцидент на трибините

ФК Гостивар и Воска Спорт одиграа без победник 2-2 во второлигашко дерби од петтото коло. Воска поведе, но на крајот спасуваше бод на дуелот во Голема Речица.

Гостите од Охрид преку Демири го отворија резултатот, Гостивар успеа да изедначи пред паузата со голот на Рамадани за на полувреме да се замине со резултат 1-1. Рамадани по вторпат погоди за водство на гостиварци од 2-1, но Ален Јашароски не дозволи Воска да загуби пред крајот на мечот постигнувајќи гол за конечни 2-2.

Денешниот дуел помеѓу овие две екипи донесе тензичен меч како на теренот така и на трибините, што доведе до краток инцидент помеѓу гледачите. По водството на гостите од 0-1 дојде до кратка физичка пресметка помеѓу дел гледачите на двата клуба, по што брзата интервенција на обезбедувањето ги смири страстите, натпреварот заврши мирно.

Воска Спорт остана на врвот на табелата, а Гостивар со овој резултат покажа дека има високи амбиции во тековната ВМФЛ-сезона.