Гостивар се вклучи во акцијата Ден на дрвото

Акцијата „Ден на дрвото“ во Гостивар се спроведува на површина од над 8 хектари на локација близу гостиварска Бањица. Од подружницата на Јавното претпријатие „Македонски шуми“ во Гостивар имаат планирано засадување на вкупно 20.800 садници на црн бор. Вработените во шумското стопанство активно работеа на пошумување изминатиот период, а денес во рамки на одбележување на Денот на дрвото беа на терен од раните утрински часови.„Генерална оценка е дека акцијата на гостиварското подрачје се спроведува успешно“, изјави Форе Милошески, директор на Шумско стопанство Шар-Гостивар.

Покрај засадување садници на главната локација, за Денот на дрвото во Гостивар беа организирани и други активности во училиштата, каде учениците учествуваа во еколошки акции и разубавување на дворовите.