Гостиварци се мобилизираат за помош на семејството на малата Лена

Откако беше објавена приказната за семејството Трпески од Гостивар во емисијата „Срце на дланка“ на Тв Алфа, многу граѓани и фирми се мобилизираа да им помогнат. Во текот на денешниот ден до семејството биле доставени голем број донации во храна и облека, а донирањето продолжи и вечерва. Неколку гостиварци кои учествуваа во собирањето и доставување на помош, ги пренесоа пораките на благодарност од Весна и малата Лена, како и нејзината баба. Веќе е донирано многу облека, во која има зимски јакни и чизми, па напоменуваат дека тоа веќе не е потребно, а останува и понатаму апелот за донирање на финансиски средства и храна.

Семејството раскажа дека живее од мала социјална помош, која не им стасува за основните потреби. Девојчето по смртта на својот татко од стрес добива здравствени проблеми и прима терапија.

Контакт од семејството: 078 562 116