Гостиварски Комуналец објави неколку тендери – Што купува?

На електронскиот систем на Бирото за јавни набавки, актуелно можат да се најдат неколку огласи на Јавното претпријатие „Комуналец“ од Гостивар, чија вкупна вредност се движи над 80 илјади евра.

Тендерот со највисока проценета вредност од 3 милиони денари се однесува на набавка на градежни материјали и алати за потребите на претпријатието. Во огласот пишува дека фирмата купува цемент, вар, арматури, ламинат, бетон, изолатори, керамички производи и друго.

Друг тендер е отворен за набавка на печатени материјали. Во него стои дека Комуналец бара: визит карти, флаери, папки, фактури за вода и смет, репрезентативни кесиња, пенкала, ексклузивни нотеси, пликови, патни налози, рекламно пано, светлечка реклама, маици, капи и друго. За оваа набавка се издвоени 1 милион денари.

Третиот јавен оглас е за набавка на алати, опрема, железарија и ситен инвентар со проценета врадност од 1,2 милиони денари. Во тендерската документација се наведува дека претпријатието купува: кабли, прекинувачи, адаптери, дозни и друго.

За сите тендери пишува дека критериум за доделување на договорот е најниската понудена цена.