Вести
Граѓаните ноќеска дежурале кај Русино, велат ќе продолжат со блокадата
Блокадата на депонијата Русино продолжува. Граѓани од повеќе населени места близу депонијата кои се организираа да ја чуваат, останале да дежураат цела ноќ. Велат дека состојбата била мирна и преку вечерта не пристигнале камиони со смет од тетовските општини. Тие се одлучни дека и натаму нема да дозволат да се транспортира и фрла ѓубрето на Русино, се додека не се исполнат барањата од договорот постигнат со полошките општини, пред една година.
„Година дена чекавме да се направи нешто, но ништо не се оствари. Ние не сме втора класа народ, па да дишеме хемикалии. Апелирам до сите општини да се придржуваат до договорот, да не носат отпад за да не доаѓа до проблеми“, велат иницијаторите на блокадата.
Вчера претставници на месните заедници од селата во близина на депонијата биле на состанок во гостиварската локална самоуправа, на кој се разгледувал проблемот, од каде добиле поддршка за своите барања.
Во договорот од лани се предвидуваше обезбедување на соодветни услови на депонијата со ангажман и средства на општините, изградба на пат, транспорт на сметот само во доцните вечерни часови, обезбедување инвеститор кој ќе менаџира со депонијата и друго.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот