Автомобил излетал од патот близу гостиварскиот интернат

Сообраќајна незгода е регистрирана синоќа, половина час по полноќ на улицата  „Сретко Крстевски“ во Гостивар, во близина на интернатот. Како што известуваат од полицијата, патничко возило „БМВ“ со германски регистарски таблици, управувано од 46-годишен гостиварец загубило контрола, излетало од коловоз и удрило во поголем куп песок.

За среќа во незгодата немало повредени. Материјалната штета се проценува на околу 60 илјади денари.

Според првичните информации причина за сообраќајката е пребрзото возење, што е всушност и една од најчестите причини за несреќите на гостиварското подрачје.