Гостивар
Грипот чукна на врата, регистрирани се првите заболени во Гостивар сезонава
На подрачјето на Гостивар регистрирани се првите заразени лица со грип, оваа сезона. Есенските месеци и вообичаено се периодот кога вирусот се појавува кај граѓаните, а според досегашното искуство, помасовно ширење се очекува назима.
„До нас од една Амбуланта пристигнаа првите пријави за заболени од грип. Се работи за шест лица, од кои четири спаѓаат во возрасната група од 15 до 64 години и два пациенти над 65 годишна возраст“, информираше примариус доктор Војислав Огњаноски од епидемиолошкото одделение во Гостивар.
Кај матичните лекари низ Гостивар периодов има и зголемен број на пациенти со разни настинки, вирози и инфекции на горните регсираторни органи. Лекарите предупредуваат дека не секоја таква состојба значи грип и советуваат граѓаните да не земаат антибиотици и други лекови без да побараат медицинска помош.
Општо за заштита од вирусот препорачуваат зголемено ниво на лична хигиена, внес на витамини, повеќе овошје и зеленчук, како и големи количини на течности, чаеви, природни сокови и слично. Исто така, да се избегнува собирање и престој во простории со гужва, а особено да се избегнува близок контакт со луѓе кои се заболни, кашлаат, киваат, имаат покачена телесна температура.
Вакцинацијата против грип се` уште не е започната.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ