Храната лесно се расипува при високи температури – На што да внимавате?

Труењето со храна не е реткост при високи температури кои придонесуваат за полесно и побрзо развивање на микроорганизмите во продуктите. Ризикот е голем и за да се избегнат последици, неопходна е внимателност. Стручните лица советуваат како да се заштитите од евентуалното труење со храна:

– Да се води сметка за изгледот, рокот на употреба и соодветното чување на храната
-Да се купува храна само од проверени места
-Лесно расипливите продукти да се купуваат исклучиво од објекти кадешто производите се чуваат уредно во разладни уреди
-Оладените или замрзнатите производи да се купуваат на крајот од пазарењето
– месо, млеко и јајца да не се чува долго време во автомобили и други транспортни средства
-Да се одбегнува купување на оладена и смрзната лесно расиплива храна која стои надвор од ладилник или замрзнувач.

-Пред подготовка на храната добро да се измијат рацете;
-Оладената храна да се чува на температура пониска од 5 Ц, а топлата храна на температура повисока од 60 Ц
-Овошјето и зеленчукот темелно да се измијат под млаз вода
-Месото, млекото и јајцата термички добро да се обработат;
-Храната да се заштити од инсекти и глодари кои може да ја контаминираат

Што се однесува до сладоледот, кој е омилен десерт на топло време, се советува:

-Да се купува сладолед од сигурни продажни места

-Да се внимава на разладниот уред каде се чува сладоледот

-Пред консумирање да се провери изгледот, мирисот и вкусот на сладоледот

-Доколку се купува пакуван сладолед, да се внимава на рокот на употреба