На трибината свое обраќање имаа: Претседателот на СДСМ, Зоран Заев, Потпретседателот на СДСМ, Коста Петров и Претседателот на Комисијата за здравство на СДСМ, Венко Филипче.
Фактите ги потврдуваат успесите на СДСМ, рече потпретседалот на партијата Коста Петров.
„Факт е и дека за само две и пол години, се изградија и реновираа над 500 километри патишта. Факт е и дека го стабилизиравме пензискиот фонд, пензиите растат од 700 до 900 денари, а беше оставен со огромна дупка. Факт е и дека минималната плата од 9.000 денари порасна за 5,500 денари односно денес имаме 14.500 , а просечна плата повисока за околу 2.300 денари, порача Петров. Факт е дека стануваме 30 земја членка на НАТО, што е најголемото достигнување досега на земјата, да бидеме еднакви, рамноправни со најмоќните земји во светот“, порача Петров потпретседател на СДСМ.
Претседателот на Комисијата за здравство на СДСМ, Венко Филипче, потенцира дека повеќе нема проблем со лековите и здравството оди во нагорна линија.
„Во Гостиварската болница, имаше 420, во моментов имаме 500 вработени, кои се на располагање на граѓаните, нема повеќе редици во аптеките, нема веќе квоти, ги има сите лекови. За првпат во Гостивар инсталиравме и апарат за магнетна резонанца. Го зголемивме и квотите за дежурство, се инвестира во медицинскиот персонал и подобрување на опремата, рече Филипче.
Последен се обрати премиерот Заев, споредувајќи го Гостивар со СДСМ како пример на соживот.
„Денеска сме тука во Гостивар, во градот на соживотот, на соработката, со гордост можам да кажам дека и кај нас во СДСМ не гледате, не има и Македонци, Албанци, Турци, Срби, Роми, Власи. Но тоа не е случај со нашиот политички опонент. Ние како социјалдемократи го воспоставивме принципот на едно општество за сите и тоа го градиме, еднаквоста и рамноправноста, ние сме мултиетничка држава, нема да дозволиме лицемери да го скараат народот. Успеавме да оствариме стратешка, национална, државна и децениска цел, членство во НАТО, порача претседателот Зоран Заев на граѓанската трибина „На прв пат” во Гостивар.
Тој ги критикуваше политичките опоненти од ВМРО-ДПМНЕ дека зборуваат за чисти држави, се служат со лаги и лицемерие.
