Вести
Ибраимовски во Гостивар презентираше мерки за подобрување на животот на ромското население
Министерот без ресор Самка Ибраимовски, задолжен за имплементација на Стратегија за подобрување на состојбата на Ромите во Македонија, во Гостивар ги презентираше мерките и активностите од владината програма во насока на подобрување на животот на ромското население. Пред присутните беа образложени правата во делот на социјалната заштита, образованието, домувањето и други области. Според Ибраимовски, ромското население за брзо време ќе започне да ги чувствува промените кон подобро како резултат на спроведувањето на планираното во владината програма.
„Акцентот и приоритетот на мојот кабинет ќе биде ставен во делот на домувањето, образованието и вработувањето преку нудење на нови програми за самовработување од Агенцијата за вработување. Тоа се нашите приоритети што ги определивме до крајот на 2017 и за следната 2018 година“, изјави министерот.
Во делот на социјалната заштита беше споменето планираното зголемување на социјалната парична помош која за четиричлено семејство без приходи ќе изнесува 12 илјади денари месечно. Ибраимовски објасни дека покачувањето ќе се одвива во две фази, а ќе започне после годишната обнова на документите на корисниците, односно од наредната година. „Важно е да се каже дека социјалната помош нема да им се крати на семејствата кои остваруваат некакви ниски приходи, па да мора да ги кријат како до сега што се правело, напротив ќе им се помага. Така на пример, на семејство кое има приход од 8.000 денари месечно државата ќе му додава уште 4.000 за да ја достигне сумата од 12 илјади денари“, објасни министерот.
Презентацијата на мерките за подобрување на состојбата на Ромите, во Гостивар беше првата од низата вакви настани најавени за следниот период. Караванот на Ибраимовски месецов продолжува во Кочани, Прилеп и други градови низ Македонија.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 1 месец
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Што, како, каде?!пред 3 месеци
ШОУ: Легендарните „Солза и Смеа“ доаѓаат во Гостивар
-
Вестипред 2 месеци
Историјат на Осми март – Празник посветен на правата на жените
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ