Гостивар
Има ли деца заразени со голема кашлица во Гостивар? Се јавуваат сомнителни случаи со кашлање подолго од 2 недели
Родители на деца со продолжено кашлање, кое трае подолго од две недели се обраќале за лекарска помош на педијатриското одделение во општата болница во Гостивар. Лекарите периодов регистрирале десетина такви примери, за кои постои сомнеж дека се работи за голема кашлица (магарешка кашлица-пертусис). Сепак потврден официјален случај во Гостивар до сега нема.
„Дијагниостицирани случаи на голема кашлица немаме. Тоа се потврдува само со испитување во Скопје на Детска и на Инфективна клиника. Но, сме имале над 10 пациенти сомнителни на голема кашлица, која траела подолго време. Сме предложиле кај нив да се направи консултација и испитување во Скопје, но не ни се вратени со резултати. Значи, не можеме да потврдиме дали со сигурност се работело за голема кашлица“, вели д-р Висар Муча, раководител на педијатрија во гостиварската болница.
Во Македонија се регистрирани неколку слаучи на заразени деца со голема кашлица. Медицинските лица посочуваат дека појавата на заразни болести, за кои има вакцина, лежи во намалувањето на бројот на вакцинирани деца, односно скетпизицмот на родителите за имунизацијата.
„Во светот на прво место како превенција од заразни болести е вакцинирањето. За жал опаѓа довербата кај родителите и многу од нив не ги вакцинираат децата. Апелираме да ги носат да примаат вакцини, тоа не е штетно, нема научни докази дека било каква вакцина штети. Освен вакцинација како заштита се препорачува децата со симптоми да се изолираат, да се даваат антивирални лекови, никако антибиотици на своја рака и без лабараториски анализи да се докаже дали е вирус или бакетрија, и секако лекови против температура и болки“, појаснува д-р Муча.
Во редовниот календар за имунизација предвидена е комбинирана вакцина ДиТеПер, која штити од дифтерија, тетанус и пертусис (голема кашлица). Опфатот со вакцината во Македонија е под препорачаниот од 95%, неопходен за колективен имунитет.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените