Гостивар
Инфективно во Гостивар се полни со пациенти болни од Ковид, ќе се додаваат кревети
Минатата недела во регионот на Гостивар беше забележан најголемиот раст на заболени со ковид, вкупно 30. Со тоа се зголеми и бројката на хоспитализирани пациенти. На инфективното одделение во гостиварската болница моментално се згрижени 14 заболени и останати се уште 4 слободни кревети за возрасни и два за деца. Капацитетот ќе се зголемува со додавање на дополнителни кревети, за да може да се одговори на потребите, доколку ваквиот тренд продолжи.
„На инфективното одделение веќе имаме мал број на слободни места, одделението располага со вкупно 18 кревети за возрасни пациенти и два за деца. Затоа, денес на состанок со раководителите на одделенијата кои се најмногу тангирани со ковид 19, тоа се инфективно, интерно и ургентна единица се разговараше на оваа тема и се разгледаа условите да се зголемат капацитетите на инфективно со додавање на дополнителен број кревети во собите. Можеби ќе биде малку потесно, но сепак ова е пологично решение. Пациентите кои се со посериозна клиничка слика, односно имаат потреба од кислородна терапија се препраќаат на клиниките во Скопје, каде и таму веќе е преплавено со пациенти.“, рече д-р Јакуп Јакупи, директор на општа болница „Д-р Ферид Мурад“ во Гостивар.
Болничката управа работи и на реорганизација на медицинскиот персонал за да го засили кадарот на инфективно. Во помош на инфектолозите ќе се вклучат специјалисти по интерна медицина, а се зголемува и бројот на дежурни сестри во смена.
„Снабдени сме со терапија за пациентите, заштитни материјали, но има недостаток на кадар, поточно на специјалисти инфектолози. Затоа, се договоривме доколку има потреба на помош на инфектолозите да се вклучат интернисти. Инфектолозите се навистина преморени, дежураат по 24 часа, на секои два дена. Ќе го зголемиме и бројот на средниот кадар, од две на три медицински сестри дежурни на смена. Се надевам со тоа дека ќе ги покриеме потребите.“, изјави Јакупи.
Пациентите кои се хоспиталиизрани на инфективното одделение имаат клиничка слика со средно ниво на тешкотии, како болки во зглобови, проблеми со дишење, висока температура.
-
Гостиварпред 2 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 3 месеци
Србите го слават Свети Сава – Национален празник на српската заедница во земјава
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Вестипред 2 месеци
Историјат на Осми март – Празник посветен на правата на жените
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот