Интересна женска статистика

Во пресрет на 8 Март, Државниот завод за статистика,  објави интересни податоци врзани со работата, животот и слободното време на припадничките на понежниот пол.

Според статистичките анализи, жените дневно гледаат телевизија по еден час и  50 минути. Жените во градовите на забава и култура трошат просечно по 2 часа и 16 минути дневно, што е двојно повеќе од жените во селата. Мајките посветуваат по еден час и 57 минути во текот на денот во грижа на децата. Оние пак кои имаат домашни миленици, со нив поминуваат просечно по еден час и 41 минута.

Во текот на денот, вработените жени користат 15% од своето време во слободни активности. Од сите домашни активности на жените, посочуваат од Државниот завод за статистика, 16% отпаѓаат на чистење на станот.

Во Македoнија најчесто женско име е Марија. Жените во нашата земја  сочинуваат 49,9 проценти од населението и во просек живеат 77,4 години, односно 3,9 години подолго од мажите.