Хуманитарна осмомартовска акција на учениците од економското училиште

Младите економисти од Гостивар го споија денешниот Меѓународен празник на жената, со една убава и хумана акција. Членовите на Училишната заедница од средното економско училиште, изработија честитки и украси со осмомартовски пораки и ги продаваа на посебен штанд на градскиот плоштад. Собраните пари ќе ги наменат во хуманитарни цели.

„Оваа акција е значајна затоа што поттикнува кај младите да се развие чувство за хуманост, да се помогне некому. Но исто така, важно е што учениците од трите наставни јазици:македонски, албански, турски работат заедно и ја негуваат мултикултурата и соживотот на овие простори“, рече директорката на средното економско училиште, Јованка Огњаноска.

Учениците во спроведувањето на денешната хуманитарна активност, која треба да даде позитивен пример за сите млади, беа поддржани од своите професори и професорки.