Истражување со 100 млади земјоделци од Гостивар, Врапчиште и Маврово-Ростуше за Мерка 112

Здружението на жени фармери “Моја фарма” Гостивар успешно го реализираше истражувањето за мерка 112, со цел да се анализира и процени информираноста и учеството на младите земјоделци во Програмата за рурален развој. Спроведеното истражување ги прикажа реалните потреби и предизвици пред оваа целна група, а резултатите беа презентирани вчера во гостиварско Тумчевиште.

Во истражувањето беа вклучени 100 млади земјоделци од Гостивар, Врапчиште и Маврово-Ростуше. Според податоците добиени од анкетата, 66% од испитаниците биле мажи, 34% жени, на прашањето дали се занимаваат со земјоделство, 85% од испитаниците потврдиле дека се активно вклучени во земјоделската дејност. Поради различните причини, 15% не се занимавале со земјоделство, иако живееле во рурални средини.

Интересен аспект е дека 56% од испитаниците не поседувале имот (земјиште) во своја сопственост, што може биде предизвик за почеток на земјоделска дејност. Сепак, 23% поседувале нова механизација, а 77% од учесниците имале средно образование, што укажува на добар степен на образование во руралните средини.

„Од сите анкетирани, иако биле информирани, само 15% аплицирале за мерка 112. Причините за овој низок интерес за аплицирање во полошкиот регион се должи пред се на следните причини кои беа посочени од страна на анкетираните млади земјоделци: не го исполнувам условот да не си повеќе од 18 месеци регистриран во ЕРЗС во МЗШВ, во немање на доволно имот во своја сопственост (или имот под закуп), имам искористено финансиски средство од мерка 113, не исполнувам услов за старосна граница, не се пронајдов во одобрените инвестиции, не сум информиран за постоењето на оваа мерка, се уште немам регистрирано ЗС, поради немање на финансиски средства, не ги исполнувам критериумите и бодовите, не сум носител на земјоделско стопанство, поддршката треба да се зголеми бидејќи е многу мала за отпочнување со земјоделска дејност, не сум заинтереситан да аплицирам“, известуваат од „Моја фарма“

Детални резултати од испитувањето:

Презентацијата на резултатите, одржана на 8.12.2023 во Тумчевиште, беше успешна, а изработените брошури и промотивното видео ќе служат како дополнителни алатки за подигнување на свесноста во локалната заедница за мерката 112.

Спроведеното истражување ќе им овозможи на Здружението на жени фармери “Моја фарма” Гостивар да ги адаптира своите активности и да понуди дополнителна поддршка на младите земјоделци во овој дел на земјата.

(комерцијална објава)