Јазовец, срна, мечок и се разбира рис – Нова галерија од животинскиот свет на НП Маврово

Националниот парк Маврово објави нова восхитувачка галерија на слики од богатиот животински свет на паркот, уловени со фото замка камери.

Интересен е и самиот начин на фотографирање. Таканаречените фото замка камери поставени се на повеќе локации низ паркот, целосно се во мирување, а се активираат, односно фотографираат штом има движење пред нив. Бидејќи вештачката интелигенција не може да разликува, реагира на било какво движење, фотографиите кои се прават се повеќе изненадуваат со разновидниот животински свет. Радува и фактот што скоро на секоја објавена галерија на НП Маврово, може да се забележи балканскиот рис.

Фотографиите се сопственост на НП Маврово и Македонското еколошко друштво (МЕД).