Гостивар
ЈП „Русино-Полог“ со врзани раце, само Гостивар и Теарце платиле основачки влог
ЈП Русино Полог беше формирано во декември лани, но не може да профункционира, оти повеќето општини не ја подмириле обврската со основачкиот влог. Претпријатието кое треба да ги преземе ингеренциите за менаџирање со Русино, како регионална депонија за Полог, за сега останува со врзани раце. Додека неговата судбина тапка во место, во регионот никнуваат се‘ повеќе диви депонии.
Од вкупно 9 полошки општини, пари дале само две, Гостивар и Теарце. Основачкиот влог е неопходен за претпријатието да може да обезбеди канцеларии, вработувања и други основни услови за работа.
„Жал ми е што повторно пред граѓаните уште еднаш излегувам со не многу поволни информации. Функционирањето на заедничкото јавно претпријатие го кочат општините, кои не ги исплатиле основните средства за коишто се договоривме. Крајниот рок на последната средба меѓу градоначалниците од полошките општини, со присуство на министерот за животна средина, беше 15 јуни. Вчера, 21 јуни проверивме во банка и видовме дека средства уплатиле само општините Гостивар и Теарце.“, информираше в.д директорот на претпријатието Бесим Догани.
За да профункционира претпријатието на сметка треба да легнат околу 20 илјади евра од полошките општини. Догани вели дека побарале помош и од Министерството за животна средина, но до сега не добиле ништо, ни во финансиски средства, ниту било каква друга поддршка.
Единственото опстимистичко во ситуацијата со Русино, Догани гледа во итните мерки за санација, кои течат на терен според предвиденото и се очекува да завршат при крајот на август.
„Мерките за санација одат според предвиденото. Патот до Русино е целосно асфалтиран и интензивно се работи на поставуавње на електронската вага и помошните куќички каде ќе се сместат вработените.“, кажа в.д директорот.
-
Гостиварпред 3 месеци
Курсна листа на НБРМ и приватните менувачници во Гостивар
-
Македонијапред 2 месеци
Денеска е Летник
-
Македонијапред 2 месеци
Денес е Прочка – Проштевајте и побарајте прошка од оној на кој сте му згрешиле
-
Гостиварпред 2 месеци
Објавен повик за невработени-По 6.000 евра грант за да си отворат бизнис
-
Видео емисиипред 3 месеци
Емисија „МИНУТИ ЗА СЕКОГО“ – Гостин: д-р Агим Јакупи | НАТАЛИТЕТ И ЖЕНСКО ЗДРАВЈЕ
-
Гостиварпред 3 месеци
Баба Нада со 90 години е најстар жител на Зубовце, денес пречека добри гости во домот
-
Вестипред 2 месеци
Историјат на Осми март – Празник посветен на правата на жените
-
Видео емисиипред 2 месеци
Емисија „МИНУТИ ЗА СЕКОГО“ – Гости: Живка Ѓурчиновска и Г‘зиме Фејзи | ЖЕНИТЕ ОД РУРАЛНИ СРЕДИНИ