Како пливањето ве регенерира од глава до пети?

Летните одмори сите со нетрпение ги очекуваат. Далеку од секојдневните обврски, плажа, опуштена атмосфера, сонце, море или езеро…Кој би посакал повеќе?

Во текот на вашиот летен одмор, поминете што повеќе време во пливање. Иако, многумина пливањето го практикуваат за да се разладат од жештината, тоа  е одлична активност која позитивно влијае врз целиот организам.

Водата смирува

Водата е симбол на обнова и чистота, а повеќе научни студии покажале дека има смирувачко дејство врз мозокот. Ефектот од поминување време во вода, може да биде еднаков на ефект од медитација. Мозокот едноставно си зема пауза од секојдневниот стрес. Ќе се опуштите до максимум и несвесно ќе се наполните со позитивна енергија.

Со пливање ги зајакнувате срцето и белите дробови

Кога пливате фактички го учите вашето тело на нови техники на дишење, вдишувате и издишувате воздух длабоко, вашите бели дробови се шират и произведуваат повеќе кислород, а на тој начин ви се зајакнува срцето. Со пливањето се зголемува капацитетот на белите дробови, што значи дека телото подобро го спроведува кислородот и нема лесно да останувате без здив, ниту да се задишувате. Наједноставно кажано, го намалувате ризикот од  кардиоваскуларни болести и заболувања на дишните патишта.

Помага за одржување на линијата

Кога пливате ги активирате сите мускули, што значи дека истовремено вежбате и на зајакнување на рацете, нозете стомакот, задникот. Со половина час пливање согорувате  калории како со трчање 5 километри. Треба да се напомене и дека пливање и вежбите во вода се особено полезни за луѓето со проширени вени.