Какво ќе биде времето во новата работна недела?

Новата работна недела понеделнички ќе започне со стабилно време, но веќе од утре се очекуваат врнежи и заладување.

Времето денес, ќе биде сончево со мала до умерена облачност и слаб до умерен ветер од јужен правец. Утрово беа измерени мининални 6 степени, а максималните дневни ќе достигнат до 20.

Во вторник и среда ќе владее облачно време со локални врнежи од дожд, на места поројни и проследени со грмежи. На планините врнежите ќе бидат од снег. Температурата ќе биде во интервал од 4 до 14 степени.

Врнежите, според прогнозите ќе продолжат и во четврток, кога се очекува и пад на дневната темпаратура до 10 степени. Во петок ќе настапи стабилизација и разведрување.