Какво ќе биде времето во оваа работна недела?

До утре (вторник) нашиот град ќе биде под влијание на нестабилна воздушна маса, а од среда следува стабилизација на временските услови.

Денес е понеделник, 188-от ден од годинава. Сонцето изгреа во 5 часот и 8 минути, а денот ќе трае 15 часа и 5 минути. Времето ќе биде променливо облачно, претпладне со сончеви периоди и краткотраен дожд, а во попладневните часови нестабилно со услови за пороен дожд и грмежи. Денес температурата од утринските 17, ќе се искачи до максимални 29 степени.

Утре (вторник) се очекува слично време на денешното, односно променливо облачно и нестабилно со можност за пороен дожд и грмежи. Температурата ќе се движи помеѓу 14 и 27 степени.

Од среда се очекува стабилизација на временските услови. Како и во четврток, времето ќе биде сончево со мала до умерена облачност. Температурата ќе се движи од 15 до 27 степени, односно од 16 до 31 степен во четврток.

Во петок се очекува сончево и топло време со температури помеѓу 18-от и 32-от степен.