Какво време нѐ очекува во оваа работна недела?

Променливо и нестабилно време ќе владее и во оваа работна недела. Денес е понеделник, 160-от ден од годината. Сонцето изгреа во 5 часот и 1 минута, а ќе зајде во 20 часот и 9 минути. Времето ќе биде сончево со мала до умерена облачност, а попладнево ќе има услови за локален пороен дожд и грмежи. Температурата ќе се искачи до максимални 27 степени.

Утре (вторник) времето ќе биде сончево со мала до умерена облачност, а како и денес, во попладневните часови ќе има дожд, грмежи и засилен ветер. Температурата ќе се движи помеѓу 13 и 26 степени. Во среда се очекува променливо облачно и нестабилно време со локален пороен дожд, грмежи и засилување на ветерот. Температурата, од минимални 12, ќе се искачи до максимални 26 степени.

Во четврток, како и во петок, се очекува сончево и топло време со мала до умерена облачност и краткотрајни врнежи од дожд во попладневните часови. Температурата ќе се движи од 11 до 24 степени во четврток, односно од 12 до 24 степени во петок.