Какво време носи новата работна недела?

Новата работна недела почнува со облачно време и услови за дожд, по што ќе следуваат денови со релативно стабилно време.

Денес, понеделник, ќе владее умерено облачно и посвежо време со слаб локален дожд и умерен ветер од северен правец. Температурата ќе се движи од 8 до 18 степени. Во вторник се очекува променливо облачно време, но без врнежи и температура од 9 до 21 степен.

Во среда ќе има затоплување. Времето ќе биде сончево со умерена облачност  со умерен, повремено засилен ветер од северен правец. Максималната дневна температура ќе достигне 25 степени. Слични временски услови ќе се задржат во четврток и петок.