Какво време нѐ очекува викендов?

Денес е петок, 9 јуни 2023 година, 160-тиот ден во годината според грегоријанскиот календар, до крајот на годината oстануваат уште 205 дена.

Претпладне времето ќе биде сончево со мала до умерена облачност. Попладне, претежно во северните и источните делови, ќе биде нестабилно со пороен дожд и грмежи. Локално процесите ќе бидат поинтензивни во форма на невреме со пообилен дожд за кратко време, електрични празнења, силен ветер и изолирана појава на град.

Минималната температура ќе биде во интервал од 10 до 17, а максималната ќе достигне од 24 до 31 степен.

Слично време не очекува и утре и задутре, во сабота метеролозите прогнозираат претпладне променливо облачно, попладне дожд со температури помеѓу 16 и 23 степени, во недела претпладне умерено облачно со повремени сончеви периоди, а попладне дожд со можни грмотевици и темпеаратури од 13 до 22 степени целзусови.