Казни до 800 евра за 34 лица во Гостивар кои нарушиле јавен ред и мир

На подрачјето на Секторот за внатрешни работи Тетово минатиот месец (јануари) вкупно биле регистрирани 33 нарушувања на јавниот ред и мир, од кои 21 во Гостивар и 12 во Тетово. Тоа се 10 нарушувања помалку, односно 23 проценти намалување во споредба со истиот период лани. Како што соопшти полицијата овие наршувања во најголем број се целосно расчистени и заокружени со 48 барања за поведување прекршочна постапка, а против 56 сторители инволвирани во нарушувањата, односно прекршоците, опфатени со поднесоците. Од нив 34 во Гостивар и 22 во Тетово.

„Најмногу од прекршоците се случиле на јавен простор, во угостителски и други објекти и во нив претежно биле инволвирани машки лица на возраст над 25 години. Учесниците во физички напади или тепачки, согласно Законот за прекршоци против јавниот ред и мир ќе се соочат со парични глоби, кои зависно од прекршокот, се движат од 300 до 800 евра во денарска противвредност.“, соопшти СВР.