Казни за 188 брзи возачи во Гостивар и Тетово

Вчера (31 март) од 8 до 23 часот на подрачјето на СВР Тетово спроведена била акциска контрола за санкционирање на возачи што возат побрзо од дозволеното. При контролата биле откриени и санкционирани вкупно 188 пречекорувања на максимално дозволената брзина.

Како што информира полицијата, 132 пречекорувања на максимално дозволената брзина регистрирани се надвор од населено место (Тетово-65 и Гостивар-67), од кои 12 возачи пречекориле за над 70 километри на час, а 27 возачи за над 50 километри на час повеќе од дозволеното.

При контролата, исто така, санкционирани се и 56 пречекорувања на пропишаната брзина во населено место (Тетово-48 и Гостивар-8), од кои 2 возачи пречекориле со брзина од над 50 километри на час повеќе од дозволеното, а санкционирани се и 12 други видови сообраќајни прекршоци.

На возачите-прекршители изготвени им се предвидените поднесоци.