Ќе има ли промена на временските прилики деновиве?

Летото никако да го покаже својот вистински сјај. Сончевите периоди траат кратко и покрај тоа што температурите се високи, врнежите и нестабилноста не престануваат.

Во регионот на Гостивар, работната недела започнува со услови за невреме и грмотевици. Понеделничниот ден ќе биде со температури во интервал од 16 до максимум 29 степени и со дожд. Поголема нестабилност се очекува во попладневните и вечерните часови.

И во текот на следните денови од работната недела, ќе се задржи истото време. Метеоролозите прогнозираат услови за силни дождови, невреме и грмотевици. Максималните температури ќе достигнат 30 степени. Индексот на УВ зрачење ќе биде висок, 9.