Oops! It appears that you have disabled your Javascript. In order for you to see this page as it is meant to appear, we ask that you please re-enable your Javascript!

  • Дата: 03/01/2018

„Кога љубовта се троши како креда“ – збирка на македонски јазик од гостиварецот Лулзим Хазири

 

Деновиве од печат излезе збриката поезија „Кога љубовта се троши како креда“ од поетот Лулзим Хазири од Гостивар. Се работи за преводи на шеесетина песни на македонски јазик поместени во девет циклуси со различна тематика: љубов, секојдневие, меѓучовечки односи, поетско обраќање кон најблиските, интимни исповеди…

„Различно од многумина други, Лулзим Хазири не ја смета поезијата како памфлет за пишување на вообичаени рефрени. Неговата поезија не ја трпи тривијалноста, не го трпи отсуството на креативност, не го трпи експлоатираниот фигуративен јазик, не ги трпи крутите форми. Светот кој го опркужува е тесен за неговата душа и бара повеќе токму од тој свет. Како што вели Достоевски, тој не претендира да го смени светот, но со неговата уметност го прави поубав. Во поезијата на Лулзим Хазири обичните нешта заживуваат“, пишува рецензентот Салајдин Салиху.

Преводот на песните од албански на македонски јазик го направи поетесата Линдита Ахмети, а збирката е во издание на издавачката куќа „Готен“.

Лулзим Хазири е роден 1962 година во Гостивар. Автор е на четири збирки поезија, има објавувано и раскази како и есеи и колумни. Неговата поезија е преведувана на англиски, француски, романски, хрватски и македонски јазик. Активен е на полето на заштита на човековите права.

 

Оставете коментар

Вашата Емаил адреса нема да биде објавена.Задолжителните полиња се означени *

*