Поврзи се со нас

Македонија

Конкурси за стипендии за студии на странски универзитети за 2022/2023 година

Објавено

на

Министерството за образование и наукаги објави конкурсите за доделување стипендии за додипломски, магистерски и за докторски студии во странство за академската 2022/2023 година на високорангирани универзитети на Шангајската листа. Максималниот износ на стипендијата за сите три студиски циклуси е 40.000 американски долари годишно со кои ќе бидат надоместени трошоците за уписнина.

Стипендиите за прв циклус (додипломски) се доделуваат за студии на еден од првите десет рангирани универзитети од сите области односно на еден од првите сто рангирани универзитети, согласно последната објавена листа на шангајскиот универзитет „Џио Тонг“, за студии од областа на техничките науки, архитектурата, градежништвото, математиката, меѓународното право, економијата и финансиите, физиката, биологијата, хемијата, медицинските науки и генетиката.

За втор циклус и за трет циклус се доделуваат стипендии за истите области и ранг на универзитетите на Шангајската листа како и за првиот циклус, освен за медицински науки кои не се наведени во конкурсите за магистерски и докторски студии.

На корисникот на стипендија (од сите три конкурси) му се надоместуваат трошоците за уписнина во висина од најмногу 40.000 американски долари годишно, исплатени во соодветна валута, според средниот курс на Народна банка на Република Северна Македонија на денот на објавувањето на конкурсот, два авионски билета на почетокот и по завршување на студиите или еден повратен авионски билет.

Рокот за пријавување за стипендиите за сите три циклуси на студии  е 15 септември 2022.

До тој датум ќе биде и пријавувањето за стипендии за додипломски студии од прв циклус во странство од областите на ликовната уметност, кинематографија и филмска продукција, драмската уметност и музиката за академската 2022/2023 година, за кои МОН денеска, исто така, го објави Конкурсот. И во оваа категорија стипендии на корисникот му се надоместуваат трошоците за уписнина во висина од најмногу 40.000 долари годишно.

Во сите конкурси се наведени и обврските коишто избраните кандидати ќе ги имаат кон Република Северна Македонија и доколку не се вратат во земјава по завршувањето на студиите.

Во конкурсите се достапни информации за условите за пријавување, потребните документи и начинот на аплицирање, детели за висината на стипендиите, како и  Решението за утврдување на начинот на пресметка на трошоците за месечна стипендија на студенти кои студираат во странство за академската 2002/2023 година, врз основа на Листата на индекси на малопродажни цени за животни трошоци која е објавена од Обединетите нации.

Сподели ја веста:

Маркетинг

Advertisement
Advertisement
Advertisement

Огласи за вработување:

Гостиварпред 1 месец

Света архијерејска Василиева литургија во Гостивар со гости од Србија и чин на ракоположување

Гостиварпред 1 месец

Со љубов и почит кон корените – „Танец“ одржа концерт во Гостивар

Гостиварпред 3 месеци

Водици 2024 Гостивар: Осветени водите на Вардар – Бог се јави, Навистина се јави!

Гостиварпред 4 месеци

Ангелчињата во Гостивар го најавија Христовото раѓање-Бадникова поворка 2024

Спортпред 5 месеци

По првиот круг од сезоната КК Гостивар „виси“ на 8-та позиција на табелата

Спортпред 5 месеци

Кехинде од пенал му пресуди на Македонија Ѓорче Петров 1-0

Гостиварпред 8 месеци

Стефановски: Гостивар одличен како домаќин и публика, благодариме од срце!

Спортпред 8 месеци

ФК Гостивар загуби на домашен терен од Силекс 1-2

Гостиварпред 9 месеци

Осветена црквата „Св.Климент Охридски“ во Пожаране: Да го чуваме православието, секој храм е парче небо на земјата!

Advertisement

Популарно изминативе 100 дена