Косовскиот Амбасадор во посета на Гостивар

Амбасадорот на Косово, Флоријан Ќехаја денес е во официјална посета на Гостивар и оствари средба со градоначалникот Арбен Таравари. На средбата се разговараше за политичките состојби и текови во регионот, можностите за соработка на различни полиња и сл.

„Со Амбасадорот разговаравме за политичкиот моментум во кој се наоѓа регионот, важноста од одржување на прозападната ориентација на нашите земји и одговорностите за европската иднина. Истакнавме дека Република Северна Македонија и Република Косово треба тесно да соработуваат во елиминирање на сите бирократски пречки во политиката, културата, економијата, финансии и други области за благосостојба на нашите граѓани. Разговаравме и за развојот на општините во нашите две земји преку економска размена, зголемување на човечкиот капитал и воспоставување на односи меѓу нашите општини со цел да се зголеми соработката за нивен развој.“, изјави градоначалникот.

Ќехаја во својата изјава, меѓу другото, истакна дека во Гостивар чувствува пријатна атмосфера и гостопримливи граѓани.