Кражба во куќа во Гостивар – одзеле накит, часовници, лаптоп

Педесет и деветгодишен гостиварец вчера ( 19 декември ) пријавил дека засега непознати сторители извршиле тешка кражба во неговата куќа на улица „Питарница“ во Гостивар, која се случила помеѓу 19 и 21 часот и 30 минути.

Откако го скршиле стаклото од подрумските простории, влегле внатре, ги пребарале сите простории и одзеле лаптоп и 3 машки часовници, а од паричник во женска чанта во спалната, одзеле 150 евра и повеќе парчиња разновиден златен накит.

Вкупната имотна корист со која противправно се стекнале се проценува на 200 илјади денари, а причинетата материјална штета изнесува 18 илајди денари.

Се превземаат мерки и активности за расветлување на сите поединости поврзани со кражбата и за откривање на сторителите, соопштува полицијата.