Кризен штаб Гостивар: Да се пријават за лиценца аптеки и маркети дежурни за викендот!

Кризниот штаб на Гостивар се координира околу обврските за престојниот викенд, кога ќе биде на сила целосен, дводневен карантин. Во текот на утрешниот ден ќе биде објавен список на дежурни аптеки и маркети. На услуга на граѓаните ќе бидат и одредени сендвичари, пицерии и слично, кои храната ќе ја носат до домовите.

Надлежните ги повикаа сопствениците на аптеките и маркетите кои се заинтересирани да работат во текот на викенд полицискиот час, да се пријават најдоцна до утре до 12 часот.

„Пријавувањето треба да го направат во информативниот центар на Општина Гостивар, до утре до 12 часот, за да можеме потоа ние, како Кризен штаб да направиме список, да го објавиме јавно и да го доставиме до полицијата.“, рече градоначалникот Арбен Таравари.

Општина Гостивар отвори и два телефонски броеви на кои граѓаните може да се јават за потребните продукти да им ги набави и дистрибуира општински мобилен тим. При тоа трошокот за набавка го покрива самиот граѓанин, а доставата е бесплатна.

Телефонските броеви се:

072 577  713  и 072 577 741

Иста услуга овозможува и мобилна екипа на општинската организација на Црвен крст во Гостивар.