Поврзи се со нас

Гостивар

Кризен штаб Гостивар: Строго да се почитуваат препораките, изолација и хигиена на ниво!

Кризниот штаб на Општина Гостивар на денешниот состанок оцени дека состојбата со коронавирусот на подрачјето е стабилна, и дека граѓаните треба да продолжат да ги следат препораките на надлежните.

Официјално до денес до 12 часот, во Гостивар нема нов потврден случај на коронавирус, што значи дека подрачјето останува со еден заболен, кој беше регистриран на 19 март.

Кризниот штаб, со кој раководи градоначалникот Арбен Таравари донесе неколку заклучоци за превенцијата и мерките за заштита на населението од вирусот.

„Секоја институција да инсистира на лична хигиена и физичка дистанца. Изолација и што помалку контакти со постари лица и со коморбидитети (хронични заболувања). Институциите продолжуваат да комуницираат едни со други со единствена цел да бидат што е можно поефикасни во настаната ситуација“, се дел од заклучоците.

Таравари нагласи дека ситуацијата е сериозна, но нема простор за паника. Следниот состанок на Кризниот штаб е закажан за 26 март (четврток).

Сподели:
Advertisement
Остави коментар

Напишете коментар

Advertisement
Advertisement
Advertisement
Advertisement
Advertisement

Популарно изминативе 100 дена

error: Содржината е сопственост на Gostivarpess.mk!