Листа на училишта во Општина Гостивар кои добија согласност за настава со физичко присуство

Утре почнувата новата учебна година. Наставата за учениците од прво до трето одделение во сите училишта ќе се одвива со физичко присуство. За останатите ќе се спроведува онлајн, освен во училиштата за кои Владата даде согласност и ученици од други одделенија да се вратат во клупите.

На територијата на Општина Гостивар согласност за настава со физичко присуство добија само неколку основни училишта во селата:

Централното основно училиште „Ѓон Бузуку“ – Србиново со подрачните училишта во  Падалиште и Граванец имаат согласност за настава со физичко присуство и за децата од четврто до деветто одделение. Подрачните училишта во Страјане и Рафше Мало за четврто одделение, додека подрачното во Трново за шесто и седмо одделение.

Подрачното училиште „Гоце Делчев“ во Тумчевиште има согласност за четврто и петто одделение.

Подрачното на „Единство“ во Лакавица од четврто до деветто, додека во Беловиште за четврто и петто одделение.

Централното училиште „Лирија“ во Вруток од четврто до деветто, додека подрачните во Равен и Речани за четврто и петто.