Малолетници ги испишале графитите со заканувачка содржина во Гостивар

СВР Тетово денеска соопшти дека полициски службеници од  Одделението за внатрешни работи Гостивар извршиле службен разговор со тројца малолетници од Гостивар, кои по преземени мерки и активности беа идентификувани дека на 10-ти јули на четири станбени згради и трафостаница на улиците „Мара Угринова” и „Гоце Делчев” во Гостивар испишале неколку графити со заканувачки етнички мотивирани содржини. Со син спреј е испишано „Смрт за шиптари“.

Полицијата информира дека тие го признале делото, а по целосно документирање на случајот против нив ќе биде изготвен соодветен поднесок.