Малолетник со возило излетал од пат во гостиварско Неготино

Ноќеска, во 00.20 часот било пријавено дека на регионалниот пат с.Неготино – автопат, пред Неготинска клучка, патничко возило „ауди а8“, со гостиварски регистарски ознаки, управувувано од 16-годишник од с.Градец, излетало од коловозот и удрило во земјен пат, информира полицијата.

Во незгодата, совозачот Р.Е. се здобил со тешки телесни повреди, а возачот се здобил со телесни повреди, констатирани во Медицинскиот центар Гостивар, каде што биле пренесени за укажување на лекарска помош.

Извршен бил увид на местото на настанот од увидна екипа од Полициската станица Гостивар.