Мевмед Џафери: Неуморно ќе работиме, ќе ја промениме сликата за безидејноста!

Предизборните активности на кандидатот за градоначалник на Општина Маврово и Ростуше од ВМРО ДПМНЕ, Мевмед Џафери продолжуваат со посета на населените места и претставување на проектите од програмата.

При вчерашните теренски активности беше придружуван од потпретседателот на партијата, Владо Мисајловски.

„Заедно со кандидатот за градоначалник за Маврово и Ростуше, д-р Мевмед Џафери, бевме во посета на прекрасните села Скудриње и Жировница. Време е за промени и нови проекти за сите луѓе во Маврово и Ростуше, време е сите заедно да создадеме нова иднина.“, порача Мисајловски.

Џафери нагласува дека доколку ја добие довербата од граѓаните, ќе работи за подобри услови на сите генерации.

„Довербата е клучна во секое семејство, бизнис, и во политиката. Во овие денови на кампања прочитав во очите на моите сожители дека гледаат со презир на работите. Подавам рака заедно да ја промениме сликата за беиздејноста, реваншизмите, да покажеме со труд и работа дека може поинаку, неуморно ќе работиме да ја постигнеме посакуваната цел. Влегувам крајно мотивиран, да ја направиме Општина Маврово и Ростуше место во кое младите ќе ги реализираат своите идеи и амбиции, постарите ќе одморат без многу грижа а за бизнисите предност и новите инвестици предност ќе имаат локалноот население и нашите од дијаспората.“, посочува кандидатот.