Мицкоски во Требиште и Жировница: Да изградиме општина која обезбедува иднина, д-р Мевмет тоа го може

Во рамки на кампањата на Локалните избори за градоначалник во Општина Маврово Ростуше, лидерот на ВМРО ДПМНЕ, Христијан Мицкоски и кандидатот за градоначалник Мевмет Џафери беа во посета на Требиште и Жировница, на средби со жителите.

„Овие населени места се преполни уште некој ден, по што луѓето кои работат по белиот свет ќе мора да ги напуштат родните огништа. Ќе останат малкумина жители со огромните проблеми како недостиг на работа, потреба за пристојна живеачка, подобри услови за живот и перспективи за младите. Цели 5 години општината Маврово и Ростуше се раскрчмува согласно приватните и бизнис интереси на власта, без суштински инвестиции и без визија за иднина. Промените по овие локални избори ќе дојдат и во Жировница и во Требиште. Да изградиме општина која ќе обезбедува иднина и сигурност за народот, да обезбедиме проспротитет и пристојни услови за живот. Д-р Мевмет тоа го може и верувам дека промените ќе се заокружат.“, порача Мицкоски.

Џафери во разговорите со граѓаните рече дека ќе се залагаат да се реализираат проекти коишто ќе гарантираат подобри услови за живот и перспектива на крајот.

„Стоиме позади сите ветени проекти и гарантираме дека сите ќе бидат квалитетно реализирани. Затоа ја бараме вашата поддршка на Локалните избори на 20-ти август“, рече кандидатот за градоначалник на Општина Маврово и Ростуше од ВМРО ДПМНЕ.